• الحلقة الرابعة •
نغم : فهمت :(
******************
الأجندة الأولي " عُمر "
*******************
" مدونة نغم الحياة " ؟؟؟!!!!!!!
اه اللي هو إزاي يعني ... ؟ .... هو المسألة
بالبساطة دي كدة ؟!
لا لا أكيد مش هي -_- ...
امممم .. ابوها اسمه " سعد علواني "
والمدونه اسمها " نغم الحياة لــ نغم علواني " ... والراجل قالها الباقي يا نغم يا بنتي !!
إيه الغباء ده ... هي بعينها " نغم "
الضفاير الغامضة "
لما أشوف إيه حكاية المدونه دي ؟!!
***********************************
" صدفة وقدر ونصيب .. ان نظره مرة تصيب
تلقي نفسك جوه دنيا .. اسمك فيها يصبح
"حبيب "!
♥محمد إنسان♥
************************************
"تابعوا مقالي الإسبوعي في جريدة
....."
ماشاء الله ... شكلها بنت عقلها جاامد اووي ..
بالرغم ان سنها صغير ..
اللي ف سنها بيدوروا علي آخر ألبوم للفنان
الفلاني....
والممثلة معرفش مين غيرت طريقة مكياجها ... ولا
.... ولا ....
البنات ف السن ده عالم تاني ...!
بس إنتي كل يوم بتثبتيلي إنك زي ما سميتك "
الضفاير الغامضة "
كل ما اعرفك أجهلك أكتر !!!
طيب أعمل إيه دلوقتي ؟ أبعتلها كقارئ عادي معجب
بأعمالها؟؟
ولا أخليني ف دور الصامت المراقب المترقب لكل
جديد ... امممم ... هسكت أحسن
...
***********************************
" هناك من الحروف ما لا يليق بكمالك .. هي
"
♥خالد بكر♥
*********************************
الأجندة الثانية " نغم "
*****************
خلصت ثانوي عاام بمجموع عالي ، يكفي إعلام
وزياده ...
وخلاص حلمي بقي علي شفا خطوة من تحقيقه ....
,,,,, إستمارة الرغبات ,,,,,
1- كلية إعلام القاهرة
2- كلية إعلام القاهرة
3- كلية إعلام القاهرة
4- كلية إعلام القاهرة
5- كلية إعلام القاهرة
6- كلية إعلام القاهرة
7- كلية ... ,, ...
8- كلية ... ,, ..... ... إلخ
**********
الأب : لأ يا نغم مش هتدخلي الكلية
دي ...!
نغم : ليه يا بابا :(؟؟
الأب : كدة يا نغم ... الكلية دي مش ليكي وما تنفعكيش ...
نغم : يا بابا ، بس أنا ....
الأب: ولا أنا ولا يا بابا , الكلية دي بعيدة جداً ... ومااقبلش إن بنتي
تتغرب عشان مستقبل زى ده ..
الوسط ده وحش يا نغم ... ادخلي أي حاجه هنا وقريبه .. وابقي مارسي هوايتك ف
الكتابة وابعتي للجرايد زى ما كنتي بتبعتي ... مش همانع ... لكن إعلام والقاهرة
... لأ يا نغم .. !
نغم : ارجوك يا بابا .. ده حلم حياتي :( .. ومجموعي كبير .. أدخل كلية أقل ليه يا بابا
؟؟ ... أرجوك فكر تاني ...
الأب : .. نغم .. افهمي ... سفر مش
هخليكي تسافري وتتغربي ...
وحتي لو كدة ووافقت .. شغلك هيبقي صعب وصعب أووي كمان ومحتاج وسايط ...
وأصلاً الوسط الإعلامي ده مش للبنات ... وإنتي يا قطه يا مغمضه هينضحك عليكي ...
فهمتي .. ؟!
نغم : فهمت :(
** وياريت اليوم ده ما كنش يجيي :( **
*************************
" ربما يذهب الأمل ويبقي الإنتظار .. "
♥إيمان صلاح♥
***********************************************
الأجندة الأولي " عُمــر
"
*********************
لسه ما جاوبتش برده .. إيه أخرتك يعني من اللي إنت فيه ده ؟
تكونش فاكر نفسك بالجنان بتاعك ده
انك بتتسلي ؟!
عملتي فيا إيه يا نغم ..؟!!
قلبتيلي نغم حياتي ...
*****************************
" السجن إنك تبقي حر
والعشق يبقي جوه قلبك
وانت خايف انك تقول ! "
♥توماس بشاي♥
******************************
نغم حياتي ♥ ♥
هي فعلاً بقت نغم حياتي ♥ وهقولها بأعلي صـــــــووووت
بحبــــــها .. بحبــــــها .. و
فقلبي ساكن حبها ♥
ياريت يا شووق .. ياريت يا شووق .. توصلها ويحس بيا قلبها ♥
بحبها ♥ بحبها ♥ بحبها ♥ بحبها ♥ بحبها
ايوة بحبها .. ما فيش تفسير للي عملته وبعمله وبكتبه لحد دلوقتي غير كده ..
لو غير كده .. يبقي جنان رسمي ...!
ماشي يا عم الحبيب ... بتحبها ..
طب وبعدين ؟
وبعدين إيه .. وبعدين اللي أنا بعمله ده أخرته إيه ؟؟
هتقولها يعني ولا هتتصرف ازاي ..؟
اممممم ... بتحبها يعني تبقي شريكه حياتك ,,, غير كده مالوش لازمه الحب ...
أيوة ... يارب تبقي شريكه حياتي يا نغم حياتي ...
هستناكي لحد ما ربنا يأذن ..
********************************
" مُقدراً لك أن تعشق ., حتماً لا مفر ,
لكن في الحُب أما أن نتعبد أو نَعصي ., و فيها نَعصي لا نقدر علي إيمان قلوبنا بها
., فـ هي تُذهب القلوب و العقول بـ سحرها ."
خالد بكر♥♥
خالد بكر♥♥
**********************************************
الأجندة الثانية " نغم "
******************
نغم : بابا ...؟
الاب : نعم
نغم : أنا قدمت يا بابا ... أداب قسم صحافة وإعلام !!
الأب : صحافة وإعلام :/ ... برده اللي ف دماغك ف دماغك !!
نغم : معلش يا بابا دي موهبتي وأقل من موهبتي كمان ..
الاب : موهبتك ؟؟ ههههههه إنتي
صدقتي بالمقالين بتوعك دول إنك خلاص بقيتي صحفية ...! مش عارف إنتي بتفكري إزاي ؟؟
...
مسيرك تتخرجي ويجيلك ابن الحلال ... ما هو البنت مالهاش غير بيت جوزها ...
نغم : -_- ماشي يا بابا
الاب : ربنا يوفقك ويهديكي
نغم : يارب •_•
**************************************************
طّلع منديل من جيبه"
قال يمسح بيه النضاره
و برغم المسح
حلمه اهو مات
كان فاكر غلوشة العيشة
ليها علاقه بالعدسات !"
و برغم المسح
حلمه اهو مات
كان فاكر غلوشة العيشة
ليها علاقه بالعدسات !"
♥ توماس بشاي♥
ليست هناك تعليقات:
إرسال تعليق