♥ الحلقة الثالثة ♥
الأجندة الأولي " عُمر "
*******************
*******************
♫ نغم ^__^ ♫
♪ في قمة إنبساطي ااه نغم ♫ إسم كله نغم ♫
تيرارارارا ^^ ♪
بقي الضفاير الغامضة تبقي ♪ نغم ♪ ؟؟
فوووق فوووق بكرة مراجعات الثانوية العامة ...
-_-
أمك هتجتلك لو شافتك سرحان كده ولا بتكلم نفسك زي الاهبل :D
مش بعيد تفكر ان ام سيد حسدتك ، وتجيب البخور اللي ريحته تموت ده وتخنقك بيه ...
كح كح كح السيرة لوحدها كفايه ...
بس برده .. حاسس إني طاير من ساعه ما سمعت
البياع بيناديها
" الباقي يا نغم يابنتي " .. ^^
اه ما هو انا لما شفتها المرة اللي فاتت بالصدفه
البحته ، قولت لاااااا لازماً ولابد أعرف اي
حاجه عنها ...
ماهو مش اتعذب 4 سنين علي الفاضي ...
شوفتها فراشه طايرة من رف كتب للرف اللي بعده
...
وأنا كل اللي بعمله إني براقبها من ورا عمود النور اللي ف الشارع .. طب ليه ؟؟
موش عارف .....
بس الضفاير إتغيرت خااالص خااالص ....
*************************************
هي ،**
تشبه السراج الهادئ حين تشتعل فتيلته الدقيقة ،
رقيقة جدا لكن لا يمكن عدم الإلتفآت لها ،
ضعيفة جدآ و برغم ذلك يغريك تراقص لهيب ذبالتها ،
تترك ظلها الهش في كل مكآن تتواجد فيه ،
لا تحتآج إلا بعض الإكتراث ،
فقط تريدك أن تحيط شعلتها الصغيرة بيديك حين يمر الهوآء ،
أو حين يقترب أحد الأغرآب ،
أو حين تضعف و تصبح واهنة بآهتة ،
فلا تشح وجهك عنها أبدا كي لآ تنطفئ و تنتهي ،،،**
♥أمنيـة بنـت أبي بكـر♥
********************************************
الأجندة الثانية
" نغــم "
********************
-
انهارده عرفت مين هي نغم علواني ..
-
من انهاردة أقدر أكتب مذكراتي ..
أخيراً عرفت
نفسي .. وأكتشفت موهبتي وقدراتي ...
" زارنا
واحد صاحب بابا من زمان ما شافهوش لأنه
كان مسافر وراجع من بلاد بره .. كان بيحب بابا اوووي ... وبيحب إخواتي وأنا وكلنا
... بس أنا ما كنتش فكراه اوي ..!
أول ما شافني
قالي : نغم علواني ؟! صح ؟
إنتي بالذات الوحيدة
اللي ف إخواتك اللي مش هتلغبط في
إسمك ... ^__^
إبتسمت ورحبت
بيه .. وناديت بابا وجم إخواتي سلموا عليه ...
جيت أخرج مع
إخواتي .. قالي : إستني يا نغم ... !
إستغربت شويه
.. بعدها قالي : إنتي فنانة عظيمة يا بنتي ... ووجه الكلام لبابا .. قاله : بنتك دي إهتم بيها ، وهتلاقيها احسن
صحفية فيكي يا مصر .
بابا ضحك
بسخريه شويه .. وقالي : إيه ده .. ده انتي طلع ليكي قُراء يا نغم وإحنا منعرفش !!
عمو قاله :
أومال إيه ... ده انا بستني المقال بتاعها اللي بيتبعت كل سبت للجريده في الملحق
..
ماكنت ش أعرف
ان حد ممكن يكون بيقرأ أصلاً الملحق دة ...
ولا عمري خطر
ف بالي ان حد يتابعني من الأساس ..!
أنا كنت ببعت
بس كإشباع رغبه ف الكتابة اللي أنا بعشقها وأناقش وأقول رآيي ف الأوضاع الإجتماعية
والسياسية اللي ف البلد وبس ....
لكن كلام عمو
ليا ، زود ثقتي بنفسي ... وخلاني أحط حلم وهدف واضح ليا .....
أنا من إنهارده قررت أكون صحفية
....... صحفية كبيرة...!
*************************************************
يا حلم فوق الرف**
بتبص ليه و تضحكلي
و تعلقني بيك
يا حلم فوق الرف
خلتني اعشق ضحكتك
و اعشق كمان حكاويك
بتبص ليه و تضحكلي
و تعلقني بيك
يا حلم فوق الرف
خلتني اعشق ضحكتك
و اعشق كمان حكاويك
توماس بشاي **
*****************************************************
الأجندة
الأولي " عُمر "
ودخلت
الهندسة ^___^ حلمي ♥
يااه
الثانوية العامة دي كانت حابسه الواحد ف علبة كبريت ...
عالم جديد
تاني ... بدأت أتعرف علي الناس وأختلط بيهم وأفهمهم أكتر ...
بقي ليا
أصحاب وشلة ، وبنحكي لبعض كل مصايبنا ...
لكن رغم كده
ما حكيتش لحد عن نغم ...
ولا حتي عن
مذكراتي اللي بكتبها دي ...
لاني بعتبرها
شئ خاااص جداً بالنسبالي ...♥
**************************************************
صبًرت القلب اللى اشتَاقك .**
ودَويِت جُوًاه كَسر فُراقك مع إنه مايلضُمش بغيرك !
ودَاريت العِين اللى هاتِضعف .
وتخَلى الناس كُلها تعرف إن جَات بالصُدفة كدة فـ
عِينك !
وكتمت فـ حُبك جوايا .
وصارحتِك بينى وبين نفسِى .
ده انا شايفك فى الحلم معايا .
وبفتَح بلاقينى فـ حبسِى
معزول عن دُنيا من غيرك . مهمومة بجد ماتتعاشى . !!**
محمد انسان ♥♥
***********************************************
الأجندة الأولي " عُمر "
****************
الضفاير
اتفكت وحسيت ان غموضها اتفك معاها ....
يمكن عشان
بقيت بعرفها أكتر كل يوم عن اللي قبله ؟؟
"
الساعة 6 الصبح بتفتح الشباك كل يوم ... بعدها بساعه بتكون نازلة لمدرستها ،
وبتطلع منها علي الدرس ... وبعدين تروح البيت الساعه 2 وباقي اليوم مش بشوفها :/
لأني مش هقعد
طول النهار ف الكفتريا اللي قصادهم !!! -_-
إيه شغل
المراهقة ده يا عم ؟
ده لو حكيت
لحد من صحابك علي اللي بتعمله ده هيقولك مجنون رسمي !!!
هو أنا
مشدودلها كده ليه ؟؟
طب حتي ما
حاولتش أكلمها ف مرة ولا حتي أعرف اي أخبار عنها ليه ؟؟؟
لأ لازم احدد أنا هتصرف إزاي عشان شغل
الجنان ده هيضيعني !!!
*****************************************************************
"الحب هو
أن نتخلى عن العقل فى حضرة من نحب،
أن نبحث عنا فى الأخر،
أن نضحك ونبكى فى آن واحد،
أن نذهب مع الخيال، ونترك الواقع وحده!
الحب :جنون ولقاء الذات فى من نحب، وتناقض عشقى
وخيال!!!"
♥ إيمان صلاح ♥
******************************************
الأجندة الثانية " نغم "
***************
من يوم ما
صاحب بابا جالنا ومن يوم ما سمعت كلمة صحفية كبيرة منه ، وأنا كبرت الفكرة ف دماغي
ورسمت طريقي وأحلامي ....
(( الإعلامية الصحفية
الكبيرة " نغم علواني " ))
أستاذه نغم
إمتي قررتي تدخلي كلية الإعلام ؟؟-
بصراحه ده كان
لحبي الشديد للصحافه والكتابه والنشر ف الجرايد
قررت ادخل
العالم ده لحبي فيه وتشجيع الناس اللي حواليا ..
وايه الصعوبات اللي واجهتك
في طريقك ده ؟؟ ..
؟؟ .. صعوبات ......
*هو فعلاً
هتقابلني صعوبات عشان أوصل لكلية إعلام القاهرة ؟
.... يارب ده حلمي .... يارب حققه
.... يارب يسّر كل عسير ...
******************************************************
ليست هناك تعليقات:
إرسال تعليق